Ru
23:59 / 11 Avqust 2026

"Orada xüsusi bir bənd var…" - İlham Əliyev

"Orada xüsusi bir bənd var…" - İlham Əliyev
Eye

“Şuşa işğaldan azad olunandan sonra Rusiya Prezidentinin vasitəsilə üçtərəfli danışıqlar gedirdi. Mən qəti təkid edirdim ki, imzalanacaq bəyanatda Azərbaycanın əsas hissəsi ilə Naxçıvan Muxtar Respublikasını birləşdirən dəhliz mütləq öz əksini tapmalıdır”.

"Bakupost" xəbər verir ki, bunu Prezident İlham Əliyev Azərbaycan Televiziyasına müsahibəsi zamanı deyib.

“O vaxt Ermənistan tərəfi buna razılıq vermək istəmirdi. Ancaq onun o qədər də böyük alternativləri də yox idi. Müharibə davam etdirilsəydi, əlbəttə, biz də itkilər verəcəkdik, amma Ermənistan daha çox itki verəcəkdi. Çünki onların qoşunları demək olar ki, mühasirədə idi və onları məhv etmək faktiki olaraq tam mümkün idi. Ona görə bunu istəməsələr belə Ermənistan buna razılıq verdi və o bəyanat hamıya bəllidir, orada xüsusi bir bənd var.

Ancaq İkinci Qarabağ müharibəsindən keçən 5 il ərzində Zəngəzur dəhlizinin açılması ilə bağlı heç bir praktiki addım atılmamışdır. Dəfələrlə biz bu məsələni həm Rusiyaya, həm Ermənistana çatdırırdıq ki, vaxt gedir, bu bəyanat, onun vacib hissəsi icra edilmir və bu, dözülməz haldır. Müxtəlif vaxtlarda müxtəlif cavablar alırdıq, bu barədə çox danışmaq istəmirəm”, - Prezident bildirib.

Dövlət başçısı qeyd edib ki, fakt odur ki, Ermənistan bunu hər cür uzatmağa çalışıb, Rusiya isə ya bunu təmin edə bilmirdi, ya da ki, hansısa başqa səbəblər var idi:

“Yəni fakt o idi ki, keçən ilin avqust ayına qədər məsələ dondurulmuş vəziyyətdə idi.

Amerika Birləşmiş Ştatlarında bu məsələyə yaxınlaşmağa başlayanda, - təqribən keçən ilin yaz aylarından, yazın əvvəlində başlanmış təmaslar nəticəsində artıq bu prosesə start verilmişdir, - təbii ki, Ermənistan-Azərbaycan normallaşma prosesinə öz töhfələrini verməyə çalışırdılar, buna hazır olduqlarını bildirirdilər. Təbii ki, bizim bir neçə önəmli şərtimiz var idi, o cümlədən Zəngəzur dəhlizi.

Nəticə etibarilə 2025-ci il avqustun 8-də tarixi Vaşinqton Zirvə Görüşündə bu məsələ öz həllini tapdı. TRIPP adını daşıyan bu layihənin icrasına artıq start verilmişdir. Bu yaxınlarda, üç gün bundan qabaq - avqustun 8-də Prezident Trampla söhbət əsnasında bu məsələyə də toxunuldu və hər iki tərəf əminliyini vurğuladı ki, bu önəmli nəqliyyat layihəsi mütləq və tezliklə icra ediləcək. Yəni bu, məsələnin tarixçəsidir”.

Şərhlər
  • Müzəffər Sərbazlı

    Rusiya Federasiyasına, Prezident V.V.Putinə hansı hüquqi-siyasi aidiyyatı varmış? SSRİyə 113,9 min kv km ərazi ilə daxil-qəbul edilmiş ilkin 1918ci il Azərbaycanının ərazisi 26 dekabr 1991ci il tarixində SSRİ buraxıldıqdan sonra yenə həmin 113,9 min kv km Konstitusion ərrazisinin, yəni Azərbaycanın əsas ərazi hissəsini Naxçıvan və Türkiyə ilə birləşdirən ərazilər, elə Qərbi Zəngəzur da Azərbaycana aid olmurmu? Həmin tarixi haqlı Siyasi Hüquq üçün geriyə Kremlə yox, BMTnin ədalət Məhkəməsinə, Nürnberq İnsan haqqları və digər məhkəmələrə daha ciddi-hüquqi tam əsaslı iddiaların təqdimatı və qarşılıqlı hquqi müdafiə tələbatı təbii ki, aşkar eşidilməyən *ərazi peşkəşi* kimi sövdələşmədən çətindir.

Captcha ↻
Facebook
Bizi facebook-da izləyin
Tiktok
Bizi tiktok-da izləyin
Youtube
Bizi youtube-da izləyin
Son xəbərlər
Çox oxunanlar
Son xəbərlər