09:57 / 02 Aprel 2024

Pasxa bayramında kilsədə yanğın: 5 yaralı

1578

Nyu-Yorkda Pasxa bayramı zamanı kilsədə yanğın olub. 5 nəfər yaralanıb.

Bakupost.az xəbər verir ki, ötən gün yerli vaxtla saat 14:00 radələrində Bruklindəki "Our Lady of Rosary Pompeii" kilsəsində yanğın qeydə alınıb.

Xəbər verildikdən sonra hadisə yerinə yanğınsöndürmə briqadaları göndərilib. Kilsə keşişi Romulo Marin ayin zamanı dua edənlərin arasından qara tüstü çıxdığını görüb.

Nyu-York Yanğınsöndürmə İdarəsinin (FDNY) paylaşdığı görüntülərdə kilsənin pəncərələrindən qara tüstü çıxdığı və alovların kilsənin damına çatdığı görülüb.

FDNY-nin sosial media platformasında edilən yazıda Keşiş Marin bildirib ki, yanğınsöndürənlər yanğının səbəbinin elektriklə əlaqəli olduğunu bildiriblər. Marin, "Hər kəs normal olaraq yavaş-yavaş kilsəni tərk etdi. Mənim üçün ən böyük narahatlıq hər kəsin təhlükəsiz olub-olmaması idi", dedi.