"Putinin ordu yığması Qərbi seçim qarşısında qoyacaq" - Zərdüşt Əlizadə

Bu fikirləri Bakupost.az -a Rusiyada qismən səfərbərliyin elan olunmasını şərh edən politoloq Zərdüşt Əlizadə deyib.

"Lakin indiki səfərbərlikdən sonra qarşıdurmanın həddi yüksələcək. Belə bir məqamda Qərb seçim qarşısında qalacaq. Ya Ukraynaya göstərdiyi hərbi yardımı genişləndirməlidir, ya da Rusiyanın hərbi qələbəsinə dözməlidir. Düşünürəm ki, Qərb Ukraynaya göstərdiyi hərbi yardımın həcmini artıracaq. Əminəm ki, belə olan halda Ukraynanın hərbi qələbəsi labüd olacaq".

"Putin 300 min adamı səfərbərliyə cəlb edib. İndi ən azı bir neçə ay lazımdır ki, bu qədər insanı yığsınlar. Nəzərə alsaq ki, ehtiyatda olan zabitlər uzun müddətdir hərbi qulluqdan uzaqlaşıb, ona görə də hələ onları təlim mərkəzlərinə, düşərgələrə yığaraq 2-3 ay hərbi təlim keçməlidirlər. Daha sonra onları hansısa hərbi hissələrdə toplayacaqlar. Hesab edirəm ki, bu proseslər azı 5-6 ay çəkəcək. Yox, əgər heç bir təlim keçmədən, hamını yığıb döyüşə göndərsələr, demək onları birdəfəllik ət maşınına atmış olurlar. Bununla da Rusiya ordusunda meyitlərin və əlillərin sayı çox olacaq. Putin indi çağırış elan edibsə, normal halda hərbi hissə yalnız və yalnız 5 aydan sonra döyüş meydanına girə biləcək".