Qəzzadan dəhşətli FOTOLAR - Ölənlərin sayı 5 min 87-yə çatdı

17 gündür ağır hücumların yaşandığı Qəzzada xəstəxanalar, məktəblər, məscidlər və bazarlar vurulur.

Son məlumata görə, döyüş bölgəsində 182-si uşaq olmaqla 436 fələstinli həyatını itirib.

Ölənlərin sayı 5 min 87-yə yüksəldiyi halda, onlardan 2 min 55-i uşaq, 1119-u qadındır. Eyni zamanda yaralıların sayı 15 min 273-ə çatıb.

İsrail ordusunun hücumları aramsız olaraq davam edir.

Qəzza şəhərinin Rıdvan məhəlləsinə edilən hücumda ölən və yaralananların olduğu bildirilib.

Hücumdan sonra bölgədə ölü və yaralıların dağıntılar altından çıxarılması işlərinə başlanılıb.

Digər tərəfdən hücuma məruz qalan məhəllədə fələstinlilərin yaşadıqları çarəsiz anlar fotoşəkillərə öz əksini tapıb.