Ru
19:58 / 18 Noyabr 2022

Qoca Səmədovun vəziyyəti yenidən pisləşdi

2008
Yevlax Şəhər İcra Hakimiyyətinin həbsdə olan sabiq icra başçısı Qoca Səmədovun səhhəti yenidən pisləşdiyindən Ədliyyə Nazirliyi Penitensiar Xidmətinin müalicə müəssisəsinə köçürülüb.



Bakupost.az xəbər verir ki, bu barədə onun vəkili Elnur Vəliyev məlumat verib.



Onun sözlərinə görə, hazırda keçmiş icra başçısının səhhəti ağırlaşıb: "Qoca Səmədovun dördüncü ürək əməliyyatından sonra səhhəti daha da pisləşməyə doğru gedir. Belə ki, artıq onun ağciyərlərinə su yığılıb və ayaqları şişib. Onun müalicəsi müalicə müəssisəsində davam etdirilir".



Xatırladaq ki, Q.Səmədov daha əvvəl ürəyindən dörd dəfə əməliyyat olunub..



2019-cu ilin noyabr ayınadək Yevlax Şəhər İcra Hakimiyyətinin başçısı vəzifəsində işləmiş Q.Səmədov Dövlət Təhlükəsizliyi Xidmətinin keçirdiyi əməliyyat zamanı saxlanılıb.



Şəki Ağır Cinayətlər Məhkəməsinin hökmü ilə o, 7 il 3 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib. Şəki Apellyasiya Məhkəməsinin qərarına əsasən, Q.Səmədovun cəzası 6 ilə endirilib.
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər