Sərdar Ortaç konsertdə çətin anlar yaşadı

Bakupost.az xəbər verir ki, sənətçi konsertdən öncə əlil arabasında görüntülənib. Sözügedən fotonu aparıcı Hacı Nuran Hüseynov paylaşıb.

Heydər Əliyev Sarayında konsert proqramı ilə çıxış edən müğənni səhnədə də çətin anlar yaşayıb. Görüntülərdə onun yeriməkdə çətinlik çəkdiyi açıq-aydın görünür.

Qeyd edək ki, Ortaç MS - dağınıq sklerozdan (iltihabi xəstəlik olub, baş və onurğa beynində sinir hüceyrələrinin örtük qişasının zədələnməsidir) əziyyət çəkir. Bir müddət əvvəl ifaçı sol ayağının amputasiya edilmə riskinin olduğunu bildirmişdi.