Azərbaycanlı tələbə İranda itkin düşüb.
Bakupost.az xəbər verir ki, bu barədə sosial mediada məlumat paylaşılıb.
Bildirilir ki, Almaniyada Jena Universitetinin tələbəsi olan, 27 yaşlı Fərid Səfərli fevralın 20-si eyni universitetdə təcrübə keçən sevdiyi qızı görmək üçün Tehrana gedib.
Martın 5-də Almaniyaya qayıtmalı olsa da, 4 martdan etibarən telefonu sönüb, onunla əlaqə tamami ilə itib.
Ehtimal edilir ki, Fərid İranda saxlanılıb.
Azərbaycan Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadə isə qeyd edib ki, Fərid Səfərli barədə məlumat daxil olub. Hazırda məsələ ilə bağlı araşdırma aparılır.