Sürücülər texniki baxış zamanı əlavə haqq ödəyəcək - Ekspert

“Məndə olan məlumata görə, təxminən 200 mindən çox nəqliyyat vasitəsi istismardan kənarda qalıb. Onların arasında müxtəlif texnikalar, kranlar, yük, minik avtomobilləri və sərnişin avtobusları da var. Onlar kiminsə həyətində, ya da cərimə meydançalarında çürüyür. Sahibləri mütləq ortaya çıxaraq ya onlardan imtina ərizəsi yazmalıdır, ya da könüllü şəkidə cərimə meydançasından götürməli və sənədləri ilə birlikdə Utilizasiya Fonduna təhvil verməlidir. Yaxud da Fondun əməkdaşları yerində aktlaşdırma aparmalı, nəqliyyat vəsaitəsini götürüb utilizasiyanı həyata keçirməlidir”.

“Belə ki, 25 il əvvəl kiminsə övladı düşdüyü qəzada ölüb, ailəsi də maşını meydançada qoyub gedib. İndi isə onlar imtina ərizəsi yazmalı və rəsmi şəkildə avtomobili istəmədiklərini bildirməlidirlər. Lakin onlar maşını nə götürür, nə də belə bir ərizə yazırlar. Avtomobil isə bu illər ərzində çürüməyə məruz qalır və torpağa qarışır ki, bu da ətraf mühitin çirklənməsinə səbəb olur”.