Ru
11:44 / 24 Noyabr 2022

Xameneyinin qardaşı qızı həbs edildi

1467
İran İslam Respublikasının ali rəhbəri Əli Xameneyinin bacısı qızı, hüquq müdafiəçisi Fəridə Muradxani dünən həbs edilib.

Bakupost.az Güney Azərbaycan Teleqram kanallarına istinadla xəbər verir ki, siyasi fəalın qardaşı Mahmud Muradxani bu barədə tvit yazıb. O bildirib ki, bacısı noyabrın 23-də məhkəmə qərarını ona çatdırmaq üçün prokurorluğa gedərkən, saxlanılıb və həbsə atılıb.

Qeyd edək ki, vətəndaş cəmiyyəti fəalı olan xanım Muradxani bu il yanvarın 13-də Tehranda evinə qayıdarkən ETTELAAT tərəfindən həbs edilmişdi. O, may ayında 10 milyard tümən girov qarşılığında və istintaq müddəti başa çatanadək Tehran vilayətini tərk etmək şərti ilə müvəqqəti azadlığa buraxılmışdı.

Fəridə Muradxani həbsindən bir neçə ay əvvəl məhbuslara dəstək kampaniyasına başlamışdı.

2018-ci ilin iyununda da o, Sənəndəc şəhərinə getdikdən və İslam Respublikasına qarşı fəaliyyətə görə edam edilən siyasi məhbus Ramin Hüseyn Pənahinin ailəsi ilə görüşdükdən sonra da həbs edilmişdi.

Zaur,
BakuPost
Şərhlər
  • Adam

    Qardaşı qızı, yoxsa bacısı qızı? Yalan ayaq tutar yeriməz!

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər