22:00 / 30 Sentyabr 2022

Xəstə ürəyimə qulaq asıram...

2337

Bakupost.az "Gecə pıçıltıları" rubrikasında çağdaş fars poeziyasının görkəmli simalarından biri olan Füruğ Fərruxzadın "Hürkmüş adam" adlı şeirini təqdim edir:

Özüm də bilmirəm, nə istəyirəm,

Nəyin arxasınca düşürəm hər gün,

Yorğun baxışlarım nəyi axtarır,

Görən əldən düşüb ürək nə üçün?

Daha yan gəzirəm dostlarımdan da,

Sakitcə hamıdan indi qaçıram,

Dalmış bu gözlərim qaranlıqlara,

Xəstə ürəyimə qulaq asıram.

Qaçıram zahirdən dosttək görünüb

Qəlbində düşmənlik edən kəslərdən,

Riyakarcasına gülüb üzümə

Dalımca torbamı tikən kəslərdən,

Şeirimi eşidib mənim üzümə

Bir tər çiçək kimi açılanlardan,

Amma xəlvətlərə çəkilən zaman

Mənə dəli deyə ad qoyanlardan.

Ah, könlüm, ay mənim divanə könlüm,

Səni yandırdı bu biganəliklər.

Daha heç kim üçün ağlama, bəsdir

Bu dəliliklər, bu divanəliklər.

Şərhlər

Seçilmiş Zəngimcell

Xatirə İslam - Ömrüm

8011

Bizi telegram-da izləyin

Bizi facebook-da izləyin

Bizi tiktok-da izləyin

Bizi youtube-da izləyin

Son xəbərlər

Çox oxunanlar

Son xəbərlər