Bakıda və ətraf bölgələrdə orduya dəstək yürüşü başladı - VİDEO

  • 14 İyl 2020 21:14
  • 2150 Baxış




Bu dəqiqələrdə Qaradağ rayonunun Müşfiqabad qəsəbəsindəki məcburi köçkün şəhərciyində ordumuza dəstək aksiyası başlayıb.

Mindən çox vətəndaş dəstək aksiyasına qatılıb, onların əksəriyyəti gənclərdir. Hətta qadınlar, uşaqlar da yürüşə qatılıb. Əvvəl mitinqlə başlayan kütləvi aksiya hazırda yürüş olaraq davam etdirilir.

Yürüşdə Azərbaycan Ordusuna dəstək şüarları səslənilir. Azərbaycan bayraqları qaldırılır və Azərbaycan İqtidarına müharibəyə başlamaq çağırışları edilir.

Təcili surətdə səfərbərlik elan olunması çağırışları edilir, aksiyaçılar döyüşə getməyə hazır olduqlarını bildirirlər. Gənclər bu gün şəhid olan generalın, şəhidlərimizin ruhuna and içərək “Öldü var, döndü yoxdur!” şüarı səsləndiriblər, və bildiriblər ki, döyüşlərdə iştirak etməyə hazırdırlar, Azərbaycan Respublikasının Ali Baş Komandanı yetər ki, döyüş əmri versin.

Nizami rayonunun “Neftçilər” metrostansiyasının qarşısından "Orduya Dəstək" yüşüşü başlayıb və hazırda davam edir.

Musavat.com-un əməkdaşı xəbər verir ki, yürüşdə orduya və iqtidara dəstək şüarları səsləndirilir.



X