Belə qəzalarda dəyən ziyanı kim ödəyir? — Açıqlama

Bakupost.az xəbər verir ki, mövzu ilə bağlı vəkil Cavanşir Qasımzadə Demokrat.az-a Mülki Məcəlləyə əsasən ümumi əsaslarla dəymiş zərər məsələsinin ortaya çıxdığını və bunun adi yol-nəqliyyat hadisəsi və ya qəza kimi qiymətləndirildiyini bildirib:

"Belə hallarda icbari sığorta şirkəti dəymiş zərəri qarşılayır. Lakin müəyyən olunarsa ki, təkərin yerindən çıxması sürücünün öz səhvi, diqqətsizliyi və ya avtomobilə vaxtında texniki qulluq göstərilməməsi ilə bağlıdır, bu halda sığorta ödənişi qarşı tərəfə edildikdən sonra həmin məbləğ təqsirkar şəxsdən regress qaydasında tutulur.

İstisna hal isə odur ki, əgər avtomobil əvvəlcədən ustada olub və nasazlıq ustanın səhvi nəticəsində yaranıbsa, bu zaman nəqliyyat vasitəsinin sahibi məsuliyyət daşımır və dəymiş zərər avtomobil ustasından tələb oluna bilər. Bu münasibətlər də Mülki Məcəllənin zərərin ödənilməsi ilə bağlı müddəaları ilə tənzimlənir" , - deyə o qeyd edib.