“Cəllad” ləqəbli SEPAH zabiti öldürüldü

İranda daha bir SEPAH zabiti, sosial mediada və etirazçı dairələrində “cəllad” ləqəbi ilə tanınan Məhdi Rəhimi etirazçılar tərəfindən güllələnərək qətlə yetirilib.

Bakupost.az xəbər verir ki, hadisə Məlikşahi şəhərində baş verib. Rəhimi yanvarın 3-dəki aksiyalarda SEPAH qüvvələrinə etirazçılara atəş açmaq əmri verməkdə ittiham olunurdu. Yerli mənbələr və şahidlərin bildirdiyinə görə, bu əmrin nəticəsində azı 9 nəfər həyatını itirib.

Hadisədən sağ çıxan bəzi nümayişçilərin sonradan Rəhiminin yaşayış ünvanını müəyyənləşdirdiyi və ona qarşı “ev ziyarəti” adlandırılan qisas hücumu təşkil etdiyi bildirilir. SEPAH zabit hadisə yerində ölüb.

Cavid, BakuPost