“Çirkin içində idilər” – Tanınmış bloger uşaq evində gördüklərindən ŞOKA DÜŞDÜ - VİDEO

Bakupost.az xəbər verir ki, bu barədə ad gününü sözügedən uşaq evində qeyd edən bloger İlahə Mikayılova sosial şəbəkə hesabında paylaşım edib.

“Dünən oradan bu qədər pis təəssüratla qayıdacağımı düşünmürdüm. Hansı birini deyim, bilmirəm… Ərzaqlar çox idi. Biz 20 pizza gətirmişdik. Axı balaca uşaqlar nə qədər yeyə bilər? Buna baxmayaraq, 10-dan çox pizza mətbəxdə qaldı, 1 metrlik tort var idi. Müəllimin mandarin soya-soya içəri girib “bu gün bayramdır” deməsi isə çox xoş olmayan görüntü idi.

Elə davranırdılar ki, sanki, tez bitsin, gedək. Saat 8 olmamış uşaqları yığıb apardılar. Uşaqlarla oturmaq, tortu birlikdə kəsmək imkanımız olmadı. Qətiyyən bizi rahat olmağa qoymadılar. Sanki biz düşmənik, nəyik. Daim fikrim onlarda idi ki, bunlar niyə belə edir. Yemək-içmək, hər şey bol idi, hər şey qaydasında. Sadəcə uşaqların o vəziyyətdə olması və həyətə çıxarkən ağlaşma…”

“Bu insanlar maaş alırlar. Buna baxmayaraq, uşaqların vəziyyəti ürəkaçan deyildi”.

“Rəhbərliyə axşam telefonla bildirdikdə dedi ki, mən onları danlamışam. Hər nə isə, ora bir də gedəcəyəm, heç ürəyimcə olmadı. İşçilərin davranışını heç bəyənmədim. Axşam rəhbərlik mənə 1 metrlik tortun şəklini göndərib. Təbii ki, orada işləyənlər tortu dadmalıdırlar, amma onu birinci uşaqlar dadmalı idi. Bütün uşaqları 8-dən yuxarı qaldırıblar ki, tortu sabah yeyəcəklər və mənə yarımçıq tort şəkli göndəriblər. Bəs o boyda tortu kim yedi?? Mən onu gətirmişdim ki, uşaqlar dadsın. Onu o vaxt dada bilərdiniz ki, uşaqlar yeyəndən sonra… O uşaqlar ki, torta baxa-baxa getdi, onu dadmağa haqqınız yox idi, o sizə halal olmaz.

Ora o qədər yardımsevər insanlarımız ərzaq göndərir ki… düşünürəm ki, bəziləri harınlaşıb. Rəhbərlik deyir, yaxşı maaş da alırlar. Mənim ürəyimdə qaldı o tortdan uşaqlar sabah necə dadacaqlar. Uşaqlar da gözü tox idi, amma imkan vermədilər dadsınlar”.

Bloger sonda qeyd edib ki, uşaq evinin direktoru Aynurə xanımla danışıq zamanı ona vəziyyəti izah edib:

“Bir ifadə işlətdi ki, “balıq başdan iylənər”. Məncə, bu çox düzgün ifadə idi. Dedi, mən Rusiyada oldum deyə bəzi şeylər baş verib, gəlib töhmət verdim, ona görə bu işçilər belə əsəbidirlər. “Siz gələn dəfə gəlin, mən də burada olacağam, onda fərqi görün”. Təbii ki, əminəm o fərqi görəcəyəm. Amma məsələ Aynurə xanım orada olmayanda baş verən davranış şəklidir. Olmayanda bu cürmü olurlar? Bu cürmü davranırlar?”.

"Mən öncə blogerlə, daha sonra işçilərlə danışdım. Onlar bildirirdilər ki, burada deyilən hallar baş verməyib.

Xanım deyir ki, gətirdiyim tortu uşaqlara vermədilər. İşçilərim dedi ki, artıq onlar yemək yeyib doyduqları üçün tortu yeyə bilmədilər. Bizdə də ziyarət saat 7-yə kimidir. 7-dən sonra işçilər çıxdığına görə, sadəcə gecə dayələri qalır və onlar da qonaq qəbul edə bilmirlər. Xanım da 8-ə qalmışa kimi burada qalıb. İşçilər bildirib ki, artıq çıxmalıdır, xanım da deyib ki, mən böyük uşaqlarla söhbət etmək istəyirəm. O uşaqlar da həm hazırlıqda olub, həm də iş vaxtı bitmək üzrə idi. Camaatın da ailəsi var. Mən bunları bilmirdim, birinci blogger xanımla danışdım, sonra məsələni işçilərlə müzakirə etdim. Mənə işçilərimin dediyini deyirəm.

Uşaqlara kobud davranış məsələsinə gəlincə, burada 3 yaşına qədər olan uşaqların anaları var, yuxarı olanlar isə kimsəsizdir. Analı olanlar ayrı saxlanılır ki, digər uşaqlar görüb pis olmasın. İndi kiminsə anası uşağına qışqırıb, bunlar da eşidib, deyiblər ki, işçilər uşağa kobud davranıb. İşçilər orada olmayıb. Hətta bir ana var, 7 uşağı ilə burada qalır. Qışqıranlar uşaqların öz anası olub.

Tortun yarımçıq olması məsələsinə gəlincə, işçilər yeməyib. Böyük uşaqlar axşam saat 10-11-də hazırlıqdan gəliblər, onlar yeyiblər".