ATƏT-in Minsk qrupunun həmsədrləri (Rusiyadan İqor Popov, Fransadan Stefan Viskonti və ABŞ-dan Endrü Şofer) Parisdə məsləhətləşmələr aparıblar.
"BakuPost" xəbər verir ki, bununla bağlı Minsk qrupu bəyanat yayıb.
Bildirilib ki, görüşdə ATƏT-in fəaliyyətdə olan sədrinin şəxsi nümayəndəsi Anjey Kaspşik də iştirak edib.
Məlumata görə, həmsədrlər bu il iyul ayında Ermənistan-Azərbaycan sərhədində baş vermiş son hadisələrə diqqət yetirərək bölgədəki vəziyyəti müzakirə ediblər.
Bəyanatda qeyd olunub ki, həmsədrlər ATƏT-dəki mandatlarına uyğun olaraq münaqişənin dinc və hərtərəfli nizamlanmasına dair danışıqlara fəal, eləcə də hərtərəfli kömək etməyə davam edirlər.