İranın “Press TV” telekanalı ABŞ və İsrail mövqelərinə qarşı istifadə üçün nəzərdə tutulduğu bildirilən SEPAH raketinin fotosunu yayımlayıb.
BakuPost.az Güney Azərbaycan “Telegram” kanallarına istinadən xəbər verir ki, paylaşılan görüntüdə raketin üzərində diqqət çəkən yazı yer alıb. Yazının qalmaqallı amerikalı maliyyəçi Cefri Epşteynin fəaliyyəti nəticəsində həlak olan şəxslərin xatirəsinə həsr olunduğu qeyd edilib. Mesajda “Epşteyn adası qurbanlarının xatirəsinə!” sözləri yazılıb.
Qeyd edək ki, Cefri Epşteyn ABŞ-də cinsi istismar və pedofiliya şəbəkəsi yaratmaq ittihamları ilə həbs edilmişdi. O, 2019-cu ildə həbsxanada ölü tapılmışdı. Sonradan bu işlə bağlı geniş araşdırmalar aparılıb.
Cavid, BakuPost