ABŞ-nin Vaşinqton Universitetinin alimləri Yer kürəsinin həyatın mövcud olmadığı fərziyyəsinə əsaslanan modelini hazırlayıblar. Simulyasiya planetin 5 milyard illik geoloji inkişafını əhatə edir.
“Bakupost” xarici KİV-lərə istinadən xəbər verir ki, model Yerin nüvəsi, mantiyası, qabığı, səthi və atmosferi arasındakı kimyəvi prosesləri izləyir. Tədqiqatçılar bununla canlı orqanizmlər olmadan planetin kimyəvi tərkibinin necə dəyişəcəyini araşdırıblar.
Yeni model Günəş sistemindən kənardakı planetlərdə həyat əlamətlərinin axtarışına kömək edə bilər. Belə ki, oksigen və metan kimi qazlar canlı orqanizmlər olmadan da geoloji proseslər nəticəsində yarana bilər. Model bu qazların bioloji mənşəli olub-olmadığını müəyyənləşdirməyə və yanlış nəticələrin qarşısını almağa imkan verə bilər.
Vüsalə Hüseynova,
BakuPost
MEDİA