Kolumbiya Prezidenti: Cənubi Amerika ölkəsini heç Hitler də vurmamışdı

Bakupost.az xəbər verir ki, o, ABŞ bayrağını Kolumbiya dövlət bayrağından üstün tutan istənilən komandirin dərhal vəzifəsindən azad ediləcəyini bildirib.

Petro vurğulayıb ki, bu cür davranış qəbuledilməzdir və milli suverenlik prinsiplərinə ziddir.

Dövlət başçısı həmçinin xarici təzyiq və ölkənin daxili işlərinə müdaxilə barədə sərt danışıb. O, əhalinin əhəmiyyətli bir hissəsinin dəstəyindən istifadə edən bir liderin nüfuzunu təhqir etmək və ya zəiflətmək cəhdlərinin cəmiyyət tərəfindən qəti cavabla qarşılanacağını bildirib.

“Mənim hərbi təcrübəm yoxdur, amma müharibənin nə olduğunu və strategiyanın necə qurulduğunu başa düşürəm. ABŞ tarixdə Cənubi Amerika ölkələrinin paytaxtlarına zərbə endirən ilk güc olub. Nə Netanyahu, nə Hitler, nə Franko, nə də Salazar bunu heç vaxt etməyiblər. Bu, region xalqlarının unutmayacağı çətin bir tarixi fəsildir".