Könüllülər üçün onlayn qeydiyyat da başladı - ÜNVAN

Könüllü olaraq orduda xidmət etmək istəyənlər artıq onlayn qaydada da qeydiyyatdan keçə bilərlər.

Səfərbərlik və Hərbi Xidmətə Çağırış üzrə Dövlət Xidmətindən verilən məlumata görə, xidmətin www.seferberlik.gov.az saytında aşağıdakı keçid - https://exidmet.seferberlik.gov.az/Volunteer/Service vasitəsilə müraciətləri elektron qaydada həyata keçirmək mümkündür.

Yeni elektron xidmət koronavirus (COVID-19) pandemiyasının yayılmasının qarşısını almaq və insanların sağlamlıq təhlükəsizliyini təmin etmək məqsədilə müəyyən olunmuş tələblərə əməl edilməsi, respublikamızda və xaricdə yaşayan vətəndaşların rahatlıqlarının, müraciət imkanlarının daha əlçatanlığının, həmçinin çoxsaylı vətəndaş müraciətlərinin qeydiyyatının operativliyinin təmin olunması məqsədi ilə istifadəyə verilib.

Qeyd edək ki, Azərbaycan-Ermənistan dövlət sərhədinin Tovuz rayonu istiqamətində Ermənistan silahlı qüvvələrinin törətdiyi təxribatla əlaqədar könüllü qeydiyyata düşənlərin sayı 8500-ə çatır.