Türkiyənin məşhur aktyoru, şoumen, teleaparıcı Mehmet Ali Erbil yenidən xəstəxanaya yerləşdirilib.
BakuPost Hüriyyet.com-a istinadən xəbər verir ki, tanınmış şoumen hazırda reanimasiyadadır.
Qeyd edək ki, evinin hamamında yıxılaraq qabırğalarını sındırmış, 258 gün reanimasiyada qaldıqdan sonra bu ilin iyul ayında evə buraxılmışdı.
Maslakdakı xəstəxanada müalicə alan Ərbilin son durumu ilə bağlı qızı açıqlama verib. Sezin Ərbil deyib ki, atası reanimasiyada olsa da, sağlıq vəziyyətində ciddi problem yoxdur: “Narahatlığa əsas yoxdur. Çox şükür ki, hazırda durumu yaxşıdır. Lazım olan müalicəni alır. Atam pərəstişkarlarının duası ilə yaxşılaşdı”.