Pezeşkiandan Türkiyə və Azərbaycanla bağlı sensasiyalı sözlər

Bakupost.az xəbər verir ki, Pezeşkian müharibə zamanı düşmənlərin İran sərhədlərində iğtişaşlar yaratmaq niyyətində olduqlarını xatırladıb.

“Bu müharibə və gərginlik zamanı onların (ABŞ-İsrail - red.) planlarından biri ölkənin şimal-qərb və cənub-şərqində iğtişaşlar yaratmaq idi. Deyirdilər ki, insanlar sərhədlərin o tayından gəlib bu ərazilərdə iğtişaşlar yaradacaqlar. Lakin regiondakı ölkələr heç kimin sərhədin o tayından asanlıqla gəlib iğtişaşlar yaratmasına icazə vermədi”, - Pezeşkian bildirib.

Qeyd edək ki, Pezeşkian “sərhədin o tayından gəlib, iştişaşlar törətmək istəyənlər” deyərkən, çox güman ki, İraq ərazisindən kürd silahlılarının İran ərazisinə göndərilməsi ilə bağlı planı nəzərdə tutur. Ancaq İraq İranın qərb sərhədindədir; İranın şimal-qərb sərhədində 3 ölkə yerləşir: Azərbaycan, Ermənistan və Türkiyə.

Buna görə də Pezeşkianın xüsusilə Türkiyəni, həmçinin Azərbaycanı nəzərdə tutduğu təxmin edilir. Sözügedən məsələ ilə bağlı Türkiyənin tutduğu prinsipial mövqe barədə mediada da xəbərlər gedib.

Eyni zamanda, Pezeşkian ölkənin cənub-şərqindəndə bəhs edir. Bu ərazi isə Əfqanıstan və Pakistanla sərhəddir və etnik bəlucların yaşadığı həssas ərazidir.