“Stalinin ayağı” - Rusiyada şəhər rəhbərliyi “abidə”ni götürmək istəmir

Beton heykəl şəhərin mərkəzində “Qu quşları ilə ev”in yaxınlığında peyda olub. Obyekti quraşdıran fəal Sergey Ostrovski insanlara uğurlar gətirməsi üçün çəkmənin içinə sikkə atmağa sövq edib. “Ayaq” kommunal xidmət işçiləri tərəfindən avqust ayında qazıntı işləri zamanı aşkar edilib. Yerli tarixçilər bunun 1960-cı illərdə sökülən Stalin abidəsinin bir hissəsi ola biləcəyini düşünürlər.

Volqoqrad administrasiyası öz növbəsində heykəlin sovet lideri ilə əlaqəsinə şübhə ilə yanaşır və şəhər hakimiyyətinin onunla heç bir əlaqəsi olmadığını bildirir. “Onun (Ostrovskinin) “Stalinin çəkməsi” adlandırdığı şey nə fraqment, nə də tam mədəni irs sahəsidir və heç bir məlumat bazasında və ya reyestrdə qeyd olunmayıb”, - meriya izah edib.

Administrasiya nümayəndələri əlavə ediblər ki, yalnız heykəl yerli sakinləri narahat etməyə və ya təhlükə yaratmağa başlasa, müdaxilə edəcəklər.

Bundan əvvəl Kazanda bərpaçı Vladimir Leninin abidəsini “qızıl”a tutub.(Musavat.com)