Suriya ordusu Tabqa hava bazasını SDF/YPG terrorçu qruplaşmasından azad edərək əraziyə nəzarəti ələ keçirib. Ordu tərəfindən azad edilən ərazilərin sakinləri terrorçuların simvollarını məhv ediblər.
Bakupost.az xəbər verir ki, bu barədə Suriya mediası məlumat yayıb.
Məlumata görə, Suriya keçid hökuməti kürd koalisiyası olan Suriya Demokratik Qüvvələrindən (SDQ) döyüşçülərini Fəratın qərb sahilindəki mövqelərindən tamamilə geri çəkmələrini tələb edib. Bu barədə Suriya ordusunun əməliyyat komandanlığının bəyanatında bildirilib.
Ordu rəhbərliyi qeyd edib ki, razılaşmalara riayət etmək gərginliyə son qoymağın yeganə yoludur.