Tələbələr kirayə mənzil tapa bilmir - Qiymətlər 10-12% yüksəlib

Bakupost.az xəbər verir ki, bu barədə Teleqraf-a Azərbaycan Qiymətləndiricilər Cəmiyyətinin (AQC) sədri, iqtisadçı ekspert Vüqar Oruc deyib.

O qeyd edib ki, tələbələrin təkbaşına kirayə mənzil götürməsi onların ailə büdcəsi ilə uyğunluq təşkil etmir:

“Bilirsiniz ki, hər il 50 mindən çox abituriyent tələb adı qazanır və onların əksəriyyəti məhz Bakı şəhərində yerləşən müəssisələrdə təhsil alırlar. Bu avqust ayı və xüsusilə də bu ayın ikinci yarısında daşınmaz əmlak bazarının kirayə seqmentinə öz təsirini göstərir. Biz hər il bahalaşmanın şahidi oluruq”.

Ekspertin sözlərinə görə, sentyabrın sonlarına doğru bu vəziyyət aradan qalxacaq:

“Mənzillərin kirayə qiymətlərinin bahalaşmasına təkcə təhsil mövsümü təsir göstərmir. Eyni zamanda hazırda daşınma əmlakın ümumi qiyməti də yüksəlir. Hər ay 1-2% səviyyəsində artım müşahidə edirik və bahalaşmanın illik təqribən 20% olacağını proqnozlaşdırmışıq".