Ucuz PUA ilə bahalı helikopter vuruldu – Pilotlar xilas ola bilmədi – VİDEO

Bakupost.az “Unian.net”ə istinadən xəbər verir ki, helikopterin ekipajı qəza enişi etməyə nail olsa da ölümdən xilas ola bilməyib. Pilot və şturman kamikadze PUA-ları tərəfindən öldürülüb.

Ukrayna ordusu isə öz növbəsində Dnepropetrovsk-Zaporojye istiqamətində lokal hücum əməliyyatlarını davam etdirir. Artıq 430 kv. km ərazi azad olunub.

Qış boyunca Ukrayna ordusu tərəfindən Rusiyanın 80-dən artıq HHM sistemi və radarının sıradan çıxarılması səbəbi ilə cəbhə xəttində, Krımın, eləcə də Rusiya ərazisinin böyük hissəsinin hava müdafiəsində ciddi boşluqlar yarandığı üçün Ukrayna PUA-ları son vaxtlar daha rahat hərəkət edir və dərinliklərə qədər irəliləyir, hərbçilərə, hərbi texnikaya, logistikaya və sənaye obyektlərinə ardıcıl zərbələr endirirlər.

Peyk görüntüsü ilə dəqiqləşib ki, martın 17-də Novqorod vilayətinin Staraya Russa şəhərindəki aviasiya təmiri müəssisəsinə Ukrayna PUA-larının hücumu zamanı nadir “A-50” radiolokasiya təyyarəsi sıradan çıxarılıb.