Yaponiyadan Paşinyana qadağa: Özün gəl, Annanı gətirmə

Bakupost.az “Hraparak” qəzetinə istinadla xəbər verir ki, Paşinyan avqustun 31-dən sentyabrın 1-dək Çində keçiriləcək Şanxay Əməkdaşlıq Təşkilatının sammitində, sentyabrın 3-də isə Çinin Yaponiya üzərində qələbəsinin 80 illiyinə həsr olunmuş hərbi paradda iştirak edəcək.

Əvvəlcədən bildirilib ki, baş nazir xanımı ilə birlikdə Çindən Yaponiyaya yollanacaq. Lakin Çindəki hərbi tədbirdə iştiraklarının Yaponiyada narazılıqla qarşılandığı və xüsusilə Anna Akopyanın səfərdə olması ilə bağlı sualların yarandığı məlum olub.

Baş nazirin mətbuat xidməti bu gün açıqlayıb ki, Nikol Paşinyan sentyabrın 4-də Yaponiyaya iki günlük işgüzar səfər edəcək, amma Annasız.

Məlumatlara görə, Yaponiya tərəfi Paşinyanın həyat yoldaşının Çindəki tədbirdən dərhal sonra Yaponiyaya gəlməsinə etiraz edib və onun statusu ilə bağlı izahat tələb olunub. Hətta Paşinyanın müəyyən sənədlər doldurmasına da ehtiyac yaranıb. Səfərin reallaşıb-reallaşmayacağı son ana qədər bəlli deyildi, amma baş nazir səfərin baş tutması üçün bütün addımları atıb.