Uitkof kəskin tənqid olundu - "Görüşlərə hazırlaşmır"

Bakupost.az xəbər verir ki, “Politico” bu barədə bir neçə mənbəyə istinadən yazır.

Bildirilir ki, Uitkof ekspertləri dinləmir və kəşfiyyat hesabatları ilə tanış olmur. Onun görüşlərə hazırlıqsız və məlumatsız qatıldığı, həmçinin ofisində Rusiya üzrə anlayışı olan kifayət qədər əməkdaş olmadığı deyilir.

Bir neçə mənbənin sözlərinə görə, Uitkofun təcrübə çatışmazlığı göz qabağındadır.

Xüsusi nümayəndəni müdafiə edənlər onun işi nəticəsində Donald Tramp ilə Vladimir Putin arasında Alyaskada baş tutmuş tarixi görüşü misal çəkirlər. Lakin tənqidçilər bu görüşün tələsik təşkil olunduğunu, zəif hazırlandığını və heç bir konkret irəliləyişə gətirib çıxarmadığını bildirirlər.