"Qarabağ"ın yeni Avropa macərası: Liqa mərhələsində tarixi qarşılaşmalar

İngiltərə - "Çelsi " (evdə),

İngiltərə - "Liverpul" (səfərdə),

Almaniya - "Ayntraxt" (evdə),

Portuqaliya - "Benfika" (səfərdə),

Niderland - "Ayaks" (evdə),

İtaliya - "Napoli" (səfərdə),

Danimarka - "Kopenhagen" (evdə)

İspaniya - "Atletik Bilbao" (səfərdə)

İndi isə , gəlin bu komandaların son mövsümdəki nəticələrinə və bəzi detallarına baxaq. İngiltərə Premyer Liqasında mövsümü 4-cü pillədə bitirən zadəganlar, Avropa Konfrans Liqası və FİFA Klublararası Dünya Çempionatının qalibi olaraq mövsümü böyük notlarla başa vurdu. Hazırda ingiltərə təmsilçisinin heyətində ən bahalı oyunçu 120 milyon avro dəyərə sahib olan 23 yaşlı ingilis yarımmüdafiəçi Cole Palmerdir. Bu komanda bizə tanışdır, "Qarabağ" 2017-ci ildə ÇL-nın ilk mövsümünə qatıldığında da "Çelsi" ilə qarşılaşmış, Bakıda 0-4, səfərdə 6-0 məğlub olmuşdu.

Səfərinə yollanacağımız daha bir ingilis klubu - "Liverpool" ötən mövsümü 84 xalla Premyer Liqada çempion kimi başa vurdu. Mersesaydlıların ötən mövsüm ən sərrast oyunçusu misirli hücumçu Mohammed Salah 29 qol 17 assistlə Premyer Liqaya öz damğasını vurdu. Klub oyunlarını 61 min nəfərlik Anfield Road-da keçirir.

"Ayntraxt" Frankfurt - Bundesliga'da inamlı mövsüm keçirərək 60 xalla 3-cü oldular. Hücumda Omar Marmoush (22 qol) və Hugo Ekitiké (20 qol) komandasının önəmli silahları olmuşdular. Bu komanda ilə "Qarabağ" 2013-cü ildə Avropa Liqasının play-off mərhələsində üz-üzə gəlmişdi, iki oyunun nəticəsində 4-1 məğlub olan Ağdam təmsilçisi turnirlə vidalaşmışdı. Almanlar 2022-ci ildə Avropa Liqasının qalibi olub. Son mövsümdə Avropa Liqasının ¼ finalında "Tottenham"a 0-1 hesabı ilə məğlub olub və mübarizəni dayandırıb.

"Benfika" – Portuqaliya səfərinə yollanacağımız rəqib son olaraq "Fenerbahçe"ni məğlub edərək qitənin ən nüfuzlu klub turnirinə adını yazmağı bacardı. Klub Portuqaliya liqasında Çempion ola bilməsə də, Liqa kubokunun qalibi oldu, Çempionlar Liqasında 1/8 finala qədər yüksələ bildi. Portuqallar ev oyunlarını Lissabon şəhərindəki 60.000 tutumluq Estadio da Luz-da keçirir.

"Ayaks" – Ötən mövsümə yaxşı başlamasalar da, sonda 2-ci yeri təmin etdilər və turnirə vəsiqə qazandılar. "Ayaks" elə ötən il Avropa Liqasının Liqa mərhələsində Bakıda "Qarabağ"la qarşılaşmış, 0-3 hesablı qələbəyə sevinmişdi. Son mövsümdə Avropa Liqasının 1-16 final mərhələsində "Ayntraxt"a ümumi hesabda 2-6 məğlub olaraq mübarizəni dayandırmışdı.

Ötən mövsüm 82 xalla İtaliya çempionu olan "Napoli" daha bir rəqiblərimizdən biridir. "Napoli" 2024–25 mövsümündə heç bir Avropa yarışında iştirak etmədi — bu, 2009-10 sezondan bəri ilk belə hal idi. 1 illik fasilədən sonra yenidən avrokuboklara qatılan Neapolluların hədəfi ilk 24 pilləni tutaraq növbəti mərhələyə yüksəlməkdir. Klub öz oyunlarını 55.000 tutumluq Diego Maradona stadionunda keçirir.

"Kopenhagen", daha bir tanış rəqib – "Qarabağ" 2017-ci ildə Çempionlar Liqasına ilk vəsiqəni məhz Danimarka klubuna qarşı qalibiyyətdən sonra əldə etmişdi. Danimarka Superliqasında "Kopenhagen" mövsümü 63 xalla 1-ci yerdə başa vuraraq klub tarixində 16-cı çempionluğunu qazandı və mövsüm sonunda Danimarka Kubokunu da qalib kimi bitirərək “dubl” etdi. Komanda UEFA Konfrans Liqasında tmübarizəyə qoşuldu və son 16-lara qədər irəlilədi, lakin burada mübarizəni dayandırdı.

Son səfərimiz - "Athletic Bilbao". Klub 2024–25 mövsümünü La Ligada 70 xalla 4-cü yerdə başa vurdu. UEFA Avropa Liqasında 36 komandalıq yeni formatda mübarizə apardı — qrup mərhələsindən başladı və yarımfinala qədər yüksəldi. Yarımfinalda "Manchester United"-a uduzan komanda final şansını əldən verdi. Bask təmsilçisi oyunlarının 54 min tutumluluq San Mames stadionunda keçirir.

Beləliklə, "Qarabağ" 2025/26 mövsümündə Çempionlar Liqasının liqa mərhələsində Avropanın ən güclü komandaları ilə üz-üzə gələcək. "Çelsi", "Liverpul", "Napoli" kimi nəhənglərlə yanaşı, "Ayntraxt", "Benfika", "Ayaks", "Kopenhagen" və "Atletic Bilbao" kimi rəqiblər də Ağdam təmsilçisini ciddi sınaqlarla qarşı-qarşıya qoyacaq. Bu mərhələ həm futbolçular, həm də azarkeşlər üçün unudulmaz təcrübə və yeni tarix yazmaq imkanı olacaq. "Qarabağ"ın Avropa səhnəsindəki növbəti addımları böyük maraqla izlənəcək. Təmsilçimizə bu tarixi matçlarda uğurlar arzulayırıq!