Antalya-Moskva reysində dəhşətli anlar: Sərnişinlər huşunu itirdi, dava düşdü - VİDEO

Antalya-Moskva reysi ilə uçmalı olan sərnişinlər təyyarədə iki saatdan çox qapalı şəraitdə, 30 dərəcədən artıq istidə gözləməli olublar. "Southwind Airlines" aviaşirkətinə məxsus təyyarədə kondisionerlər işləməyib və bu da sərnişinlərin halının pisləşməsinə səbəb olub.

Bakupost.az "SHOT"a istinadən xəbər verir ki, sərnişinlər təyyarəyə mindikdən sonra uçuş baş tutmayıb və insanlar uzun müddət bağlı qapılar arxasında qalıblar. Təxminən 500 turistin olduğu salonda bəzi sərnişinlər, o cümlədən uşaqlar, huşunu itirib və özlərini pis hiss ediblər. Bundan sonra ekipaj qapıları açaraq təcili yardım çağırıb və insanlara qısa müddətlik təmiz hava almağa icazə verilib.

Daha sonra sərnişinlərə təyyarənin uçuşa hazır olduğu bildirilib və onları yenidən içəri çağırıblar. Lakin bu zaman salonda dava başlayıb. Nəticədə uçuş bir daha təxirə salınıb və təyyarəyə polis əməkdaşları gəlib. Davaya səbəb olan şəxslər və onların baqajları təyyarədən çıxarılıb.