Ru
11:26 / 20 Aprel 2020

Yeni direktor bütün işçiləri qovdu: Köhnə klanını bitirən faktlar üzə çıxır - ADLAR

21084
Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun İcraçı direktoru Əhməd İsmayılov qurumun bütün əməkdaşlarını işdən çıxarıb.

"BakuPost" xəbər verir ki, yeni direktorun bu radikal addımı ilkin araşdırmalardan dərhal sonra baş verib. İşdən çıxarılan şəxslərin kim olması, hansı prinsiplə işə götürlüməsinə nəzər yetirdikdə, Fondun indiyə qədər fəaliyyəti barədə tam təsəvvür yaranır.
İşdən çıxarılan şəxsləri və onlar haqqında qısa məlumatları təqdim edirik:


1. Aygün Süleymanova – Prezident Administrasiyasının ləğv olunmuş İctimai-siyasi məsələlər şöbəsinin keçmiş müdiri Əli Həsənovun müavini Tahir Süleymanovun qızı;

2. Gülgün Zahidli – Əli Həsənovun digər müavini Ərəstun Mehdiyevin qardaşı qızı;

3. Aydın Quliyev – “Bakı-Xəbər” qəzetinin baş redaktoru;

4. Ramin Kərimli – Vüqar Səfərlinin bacısı oğlu,

5. Elşad Tağıyev - Vüqar Səfərlinin qohumu, kəndçisi

6. Samir Mustafayev – Mətbuat Xidmətinin rəhbəri

7. Mehrac Babayev – “Verso-M” tikinti şirkətinin sahibi, milyonçu, tikinti maqnatı.
M.Babayev həm də müəyyən məsələlərə görə siyasi çevrələrdə yaxından tanınır. Milyonçu bir adamın KİVDF-də görəsən, nə işi var? Əldə etdiyimiz məlumata görə, jurnalistlərin binasını qeyri-rəsmi olaraq M.Babayev tikib. Onun burada rəsmi işçi olmasının hansı zərurətdən doğmasını isə yalnız Vüqar Səfərlinin özü bilir.

Bundan əlavə fondun tərkibində olan “Tikinti Şöbəsi”nin 5 əməkdaşı da işilə vidalaşıb.

Fondda köhnə komandadan yalnız Baş mühasib vəzifəsini icra edən Təhminə Yaqubova qalıb. Bu ad bizə jurnalistlərin ev qalmaqalından tanışdı. “Vüqar Səfərli katibəsinə ev alıb” deyənlər Təhminə xanımı qəsd ediblər. Əslində isə o, ev alanda katibə deyildi. KİVDF-nın baş mühasibi və eyni zamanda “Mövqe” qəzetinin mədəniyyət şöbəsinin müdiri idi. Amma onu da deyək ki, T.Yaqubovanın V. Səfərlinin katibəsi kimi təqdim edilməsinin də əsası var. O, Vüqar Səfərlinin "Azərmətbuatyayımı" ASC-nin rəhbəri olan vaxt katibəsi kimi çalışıb. Fondda isə həmişə mühasibatlıq işlərilə məşğul olub.

Qeyd: Fonddakı araşdırmaların nəticələri, maaş maxinasiyaları, üzə çıxan başqa maraqlı faktları növbəti günlərdə təqdim edəcəyik.

Elşən
"BakuPost"
Şərhlər
  • Amalya Qasımova-yurnalist,araşdırmaçı

    KİV ilə məşğul olmalı ikən bu qədər qanunsuzluq, kadr uyarsızlığı, tərəfkeşlik mətbu orqanları, radio-televiziyanı yaman günə qoydu. Artıq vaxtının qədrini bilən şəxsər yerli televiziyaları izləmirdi.Qəzetlər sürünürdü. Heç kim - yəni KİDF onlara yol göstərmək,dərdlərinə əlac tapmaq yollarını axtarmırdı. Çünki bu işin mütəxəssisi deyildi. Prezidentimizin ayırdığı vəsaiti də allah bilir nə cür bölüşdürüblər. Adamlar tv-lərə baxanda istirahət etməli, maariflənməli, mənəvi zövq almalıdırlar. Qəzetlər informasiyanın "arxivi", tarixin salnaməsidirlər. Onlar yaşamalıdırlar! Özü də təkcə elektron qəzet kimi yox, çap mediası kimi...Yazılası çox şey var..

  • Qurban Bayramov

    Allah, sən saxla, bu Əli Həsənov hamının gözü qabağında, gör necə hegomonluq edirmiş??

  • Beybala quliyev

    Sizdən adam olmuyub olmuyacaq

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin







Son xəbərlər
Çox oxunanlar
Son xəbərlər