Zahir Məliklinin yeni kitabı nəşr olundu - FOTO

Bakupost.az xəbər verir ki, sosial-məişət mövzusunda qələmə alınan əsərdə hadisələr birinci şəxsin dilindən nəql edilir və əsərə avtobioqrafik roman əhvalı qatır. Kəskin süjetli əsərdə əsas iştirakçı müəllif özüdür və hadisələr onun iştirakı ilə cərəyan edir.

Milli mentalitet, əxlaq, namus, ailə tərbiyəsi, zərərli vərdişlərin, xüsusilə ifrat alkoqol istifadəsinin acı nəticələri, həsəd və tamahın fəsadları, halal zəhmət və işgüzarlıq ön plana çəkilməklə, əsərdə, əslində, xeyirlə şərin mübarizəsi qələmə alınır. Bu kontekstdə hadisələr sovet, yenidənqurma və durğunluq dövrünü, eyni zamanda, müasir dövrü əhatə edir. Əsər geniş oxucu kütləsi üçün nəzərdə tutulub.

Qeyd edək ki, "O və yerdə qalanlar", "Yerlə göy arasında", "Enmək təhlükəsi", "Torpağı Vətən edənlər”, “Məhəbbət qürbətə gedərmiş" kitablarından sonra bu, müəllifin sayca 6-cı kitabıdır.