Adnan Əhmədzadə Azərbaycana nə qədər zərər vurub? - SOCAR-ın itkisi şok edir

Bakupost.az xəbər verir ki, Adnan Əhmədzadənin “Azəri Layt” markalı nefti rus nefti ilə qarışdırmaqla satışa təqdim etməsinin səbəb olduğu bildirilir.

Qeyd edək ki, bundan öncə Azərbaycan nefti alan bəzi ölkələrin neftin tərkibindən şikayətləndikləri, laboratoriyaya təqdim etdikləri və qarışdırıldığının üzə çıxarıldığı haqda məlumat da yayılmışdı.

Digər tərəfdən, iyulun 24-də BTC operatoru BP-nin Türkiyənin Ceyhan terminalında neft çənlərində yoxlama apararkən orqanik xlor aşkar etdiyi barədə məlumat yayılmışdı. “Azəri Layt” markalı neft tankerində də çirklənmə aşkar edilmişdi. Bu insidentdən sonra Qazaxıstan BTC ilə neft nəqlini tam dayandırdı və Rusiyadan nəql etməyə başladı.

Yalnız 17 sentyabrda məlumat yayıldı ki, Qazaxıstan BTC ilə neft nəqlini bərpa edib. Bu isə o deməkdir ki, Azərbaycan problemi yoluna qoymuşdu və A.Əhmədzadənin məhz bundan sonra həbsi barədə xəbərin təsdiqlənməsi təsadüfi deyil.

Lakin burada SOCAR-ın etimadının zədələnməsi ilə yanaşı, külli miqdarda ziyandan da söhbət gedir. Ən son məlumata görə, milyonlarla dəyəri olan Azərbaycan nefti Rumıniyada anbarlardadır. Keyfiyyətində problem yarandığı üçün o nefti anbarlarda saxlanılması xərci də daxil olmaqla, geri qaytarılmasının SOCAR-ın öhdəliyi olduğu bildirilir Məsələ budur ki, Azərbaycan neftinin tərkibinin dəyişdirildiyi və zərərli maddələr qatıldığı partiya yalnız bununla bitirmi? Digər analoji narahatlıqlar yoxdur ki?

Bütün bunlar SOCAR-ın bu proseslərdən ciddi şəkildə təsirləndiyi ehtimalını ortaya çıxarır.