Anar Əsədlinin deputatlığa namizədliyi irəli sürüləcək

  • 09 Dek 2019 12:28
  • 2044 Baxış
Anar Əsədlinin deputatlığa namizədliyi irəli sürüləcək
Milli Məclisə növbədənkənar seçkilərlə bağlı tarix açıqlandıqdan sonra dairələr üzrə namizədlər bəlli olmağa başlayıb.

Təşəbbüs qrupu tərəfindən Qloballaşan Azərbaycan Sivil İnkişaf Mərkəzinin (QASİM) sədri, tanınmış gənc ictimai-siyasi xadim Anar Əsədlinin də 125 saylı Zəngilan-Qubadlı seçki dairəsindən deputatlığa namizədliyi irəli sürülüb.


Qubadlı və Zəngilandan olan bir qrup ziyalı müraciət imzalayaraq, 125 saylı Zəngilan-Qubadlı seçki dairəsindən Anar Əsəd oğlu Əsədli ilə təmsil olunmaq fikrində olduqlarını bildiriblər. Həmin müraciətdə deyilir ki, “Zəngilanın köklü ailələrindən biri olan Əsəd Əsədovun ailəsində doğulan Anar Əsədli çox gənc yaşlarından intellekti, vətənpərvərliyi, ictimai fəallığı, hüquqi savadı, siyasi təfəkkürü və milliyyətçiliyi ilə parlayan Azərbaycan gənclərindən biri olmuşdur. Ölkəni beynəlxalq arenada layiqincə təmsil etmiş, qeyri-hökumət təşkilatının rəhbəri olaraq, bir çox uğurlu layihələrə imza atmışdır. Qarabağ, konkret olaraq Xocalı faciəsinin beynəlxalq ictimaiyyətə tanıdılmasında və qəbul edilməsində bir çox konfransların təşkilatçısı olmuş və bu sahədə ciddi mütəxəssislərdən biridir. Anar Əsədlinin respublika səviyyəsində tanınması, ölkəmizin həyatındakı kifayət qədər ictimai siyasi aktivliyi, biz qubadlılar və zəngilanlılarda onun gələcək siyasi fəaliyyəti üçün ciddi inam yaratmışdır”.

Ziyalılar bu məqsədlə təşəbbüs qrupu yaratdıqlarını bildirir və bu dairədən olan bütün seçiciləri dəstək olmağa çağırırlar.

Müraciəti təqdim edirik:

Əziz qubadlılar və zəngilanlılar!

Ölkəmiz növbədənkənar parlament seçkiləri ərəfəsindədir. Dünyada və bölgəmizdə cərəyan edən siyasi proseslərə azacıq diqqət etdikdə, bu seçkilərin nə qədər taleyüklü bir hadisə olduğunu görmüş oluruq. Belə bir tarixi məqamda məsuliyyətli və doğru seçim etmək hər bir azərbaycanlının vətəndaşlıq borcudur. 1993-cü ildən Bakıda və respublikanın digər bölgələrində məcburən məskunlaşmış qubadlılar və zəngilanlılar da ölkənin taleyüklü məsələlərinə münasibətdə hər zaman örnək vətəndaş mövqeyi ortaya qoymuşlar. 9 fevral 2020-ci ildə nəzərdə tutulmuş növbədənkənar parlament seçkilərində də qubadlılar və zəngilanlılar hər zaman olduğu kimi yenidən sağlam mövqelərini bir daha ortaya qoyaraq, növbəti Milli Məclisdə ən layiqli nümayəndəsi ilə təmsil olunmaq fikrində və əzmindədir. Biz qubadlılar və zəngilanlılar olaraq, 125 saylı Zəngilan-Qubadlı seçki dairəsindən Anar Əsəd oğlu Əsədli ilə təmsil olunmaq fikrindəyik.

Zəngilanın köklü ailələrindən biri olan Əsəd Əsədovun ailəsində doğulan Anar Əsədli çox gənc yaşlarından intellekti, vətənpərvərliyi, ictimai fəallığı, hüquqi savadı, siyasi təfəkkürü və milliyyətçiliyi ilə parlayan Azərbaycan gənclərindən biri olmuşdur. Ölkəni beynəlxalq arenada layiqincə təmsil etmiş, qeyri-hökumət təşkilatının rəhbəri olaraq, bir çox uğurlu layihələrə imza atmışdır. Qarabağ, konkret olaraq Xocalı faciəsinin beynəlxalq ictimaiyyətə tanıdılmasında və qəbul edilməsində bir çox konfransların təşkilatçısı olmuş və bu sahədə ciddi mütəxəssislərdən biridir. Anar Əsədlinin respublika səviyyəsində tanınması, ölkəmizin həyatındakı kifayət qədər ictimai siyasi aktivliyi, biz qubadlılar və zəngilanlılarda onun gələcək siyasi fəaliyyəti üçün ciddi inam yaratmışdır. Anar Əsədlinin Azərbaycanın ictimai siyasi həyatında aktivliyi və vətənpərvərliyi eyni zamanda dairəmizdə də iqtisadi və sosial problemlərin həllinə yönəlik ciddi töhvələr verəcəyi inamını yaradır. Bütün bunları nəzərə alaraq, aşağıda sadalanan şəxslər, Anar Əsəd oğlu Əsədlinin 125 saylı Zəngilan-Qubadlı dairəsindən namizədliyinin irəli sürülməsi ilə bağlı təşəbbüs göstərir və bütün seçicilərimizi bizə dəstək olmağa çağırırıq.

Əşrəf Şükürov- Zəngilan rayon veteranlar şurasının sədri

Şərif Bəşirov – ağsaqqal

Famil Abdullayev – ağsaqqal

Məhəmmədəli Qarayev- ağsaqqal

Yavər Məcidov- ehtiyatda olan hərbçi

Baba Alışov – ağsaqqal

Məzahir Qocayev – həkim

Azər Qocayev – ziyalı

Şura Sayılova- ağbirçək, ziyalı

Solmaz Əliyeva – müəllimə

Xəzəngül Nəsirova – müəllimə

Gülarə Ələkbərova – müəllimə

Sahibə Qulubəyli- müəllimə

Nahidə Rəsulova – müəllimə

Gülnar Rəsulova -SOCAR (ARDNŞ) əməkdaşı

Fəxrəddin Təhməzov – Müəllim

Ağaverdi Nəsirov – müəllim

Nail İsmayılov – Qarabağ qazisi

Hicran Quliyeva – sahibkar

Əli Həsənov – Ziyalı

Vidadi Bəxtiyarov – Ziyalı

Möhübbət Qurbanov – Ziyalı

Davud Cəfərov- ziyalı

Rəşad Şükürov – Bank əməkdaşı

Aqil Dadaşzadə – ehtiyatda olan zabit, hüquqşünas

Səbuhi Zamanov- müharibə veteranı

Zaur Mahmudov – Jurnalist

Zaur Nəcəfzadə – sahibkar

Natiq Namazov-iş adamı

Elçin Yaqubov – dövlət məmuru

Sərdar Məcidov – iş adamı

Seyid Faiq Əhmədov

Nicat Ağazadə – kiçik sahibkar

Saleh Həsənov – İnsan resursları üzrə mütəxəssis

Abbas Cəfərov – tələbə