Avropa Şurasının (AŞ) Bakı ofisinin rəhbəri Petr Zix Xarici İşlər Nazirliyinə (XİN) çağırılıb.
Bakupost.az xəbər verir ki, bu barədə XİN məlumat yayıb.
Görüş zamanı, İnsan Hüquqları üzrə Avropa Məhkəməsinin ölkəmizə qarşı qəbul etdiyi 18 iyun tarixli qərarına dair kəskin etiraz bildirilib, bu qərarın ədalətsiz, qərəzli və beynəlxalq hüququn müddəalarına zidd olduğu vurğulanıb.
"Çıraqov və digərləri Ermənistana qarşı" işi üzrə 16 iyun 2016-cı il tarixli qərarında Azərbaycan ərazilərinin Ermənistan tərəfindən faktiki işğal olunması, işğalçı rejimin Ermənistanın birbaşa hərbi və maliyyə dəstəyi ilə mövcudluğu təsbit edildiyi halda, hazırkı qərarda həmin ərazilərin müstəqil subyekt kimi "DQR" adlandırılmasının beynəlxalq hüquqa və məhkəmə prosedurlarına zidd olduğu bildirilib.
Bundan əlavə, məhkəmənin məlum qərarında Azərbaycanın beynəlxalq səviyyədə tanınmış suverenliyi və ərazi bütövlüyü ilə ziddiyyət təşkil edən terminologiyanın istifadəsinə etiraz bildirilib. "Azərbaycanla ‘DQR" arasında təmas xətti", eləcə də qondarma rejimin ordusu, hakimiyyət orqanları, baş prokuroru və ombudsmanı kimi ifadələrin qərarda yer almasının keçmiş qanunsuz separatçı rejimi legitimləşdirmək cəhdi olduğu bildirilib.
Görüş zamanı Azərbaycan Respublikasının məhkəmənin bu qərarını qəti şəkildə rədd etdiyi, Azərbaycan tərəfinin öz qanuni maraqlarını qorumaq üçün bütün mümkün vasitələri nəzərdən keçirəcəyi və müvafiq addımlar atacağı diqqətə çatdırılıb.
MEDİA 
Guya həqiqi0gerçək kimi yozulanlar eyni bir, ya ortaq yazarlar uydurduğundan daha çox inandırıcıı oxunur? Hüquqa aid əsl sənədlər isə tam olduğu kimi həqiqi, ya saxta hamısı olduğu kimi tam müqayisəli təqdim edilmədikləri halda nə həqiqəti, nə istər, istər dövləti hüquqlunu ayırd etmək çətin olur? Eləcə də, 1993cü ildə BMT Qarabağın Azərbaycana aid olduğunu və region dövlətlərini terrora məruz azərbaycanlıları təhlükəsiz ev-mülklərinə qaytarmağa çağırdığı halda, 1994cü ilin mayında Atəşkəsi müqaviləsinə nə ehtiyac varmış? Halbuki, Azərbaycan tarixi 1918ci il 22 Aprel və 28 May ərazi bütövlüyü sənədləri elə BMT Ədalət Məhkəməsinə hüquqi iddia, NATO Sülhməramlılarına və İnterPola müraciət etmək olmazdımı?