Ru
19:24 / 30 İyul 2022

Azərbaycanda uşaq və gənclər arasında kütləvi şəkildə virus yayılır - XƏBƏRDARLIQ

2499
“Son günlərdə uşaq və gənclər arasında kütləvi şəkildə yayılan baş və qarın ağrısı, ürəkbulanma, qusma, qızdırma və ishal halları rotaviruslarıdır. Rotaviruslar çox yoluxucu bir xəstəlikdir, ribonuklein turşusu daşıyıcısı virusudur”.



Bakupost.az xəbər verir ki, bunu “Report”a açıqlamasında tibbi elmləri doktoru, professor Adil Qeybulla bildirib.



Onun sözlərinə görə, bu virus mövsümi olaraq kütləvi şəkildə yayılır və sonra yoxa çıxır:



“Virus həddən artıq yoluxucudur. Ağır diareya törədir. Uşaqların bədənin su tutumu az olduğuna görə, ishaldan sonra bədən susuzlaşır və onlar adətən xəstəxanaya susuzlaşmış bədənlə daxil olurlar”.



A.Qeybulla vurğulayıb ki, virus daha çox infeksion xəstəliklərin göstəriciləri ilə müşahidə olunur:



“Bu virusu zəhərlənmə və qida toksik infenksiyaları ilə qarışdırmaq olmaz. Çünki bu infeksiyalar adətən nadirən olur. Virus eyni qidadan yeməyən şəxslər arasında müşahidə edilir”.



Professor qeyd edib ki, bu kimi hallarda ilkin tibbi yardım olaraq valideynlər uşaqlara apteklərdə satılan “Rehidron” duzunun həll olunmuş formada verməlidir ki, onlarda su maddəsi pozulmasın: “Daha sonra həkimə müraciət etmək lazmdır”.
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Şərhlər
Son xəbərlər
Çox oxunanlar
Son xəbərlər