Yasamal rayonu, Əhməd bəy Zivərbəyov küçəsində illərdir yaşadığı sənədli, 1otaqlı evim “RR Construction” tərəfindən qanunsuz olaraq sökülüb.
Bu barədə
Bakupost.az -a evin sahibi Sevil Qaragözova bildirib.
O deyib ki, şirkət söküntü üçün heç bir icazə sənədi olmadan evi yerlə-yeksan edib:
""RR Construction" mənzilimiz söküləndən sonra bizi mənzillə təmin edəcəyinə söz versə də, buna əməl etmədi. Hazırda kirayədə qalıram".
S.Qaragözova deyir ki, aidiyyəti qurumlara müraciəti isə nəticəsiz qalıb:
"Çıxarışlı, sənədli evimdən didərgin düşmüşəm. 36 kvadratmetrlik evimi 16 kvadratmetr hesablayıb mənə kvadratı 2000 min manat kompensasiya kəsiblər".
Maraqlısı da budur ki, FHN-dən şikayətçinin müraciətinə cavab olaraq bildirilib ki, evi sökmək üçün qurumun icazəsi yoxdur.
Məsələ ilə bağlı “RR Construction”ilə əlaqə saxladıq, suallarımıza cavab vermədilər.
MEDİA 
