06:15 / 17 Dekabr 2021

Boş cibin utandırmağı

4019

Bakupost.az gənc şair Elşad Baratın son şeirini təqdim üdir:

Sizə görə utanıram, ciblərim.

Utanıram dost-tanışın yanında.

Sizə görə qısalıbdı əllərim,

Bir qorxu var əllərimin canında.

O qorxuyla hörmətdən də düşürəm,

Məclislərdə yerim küncdü-bucaqdı.

Sizə görə mənə söz də verilmir,

Nə olsun ki, sözüm qucaq-qucaqdı.

Qucaq-qucaq utanıram özümdən,

Ayaqlarım yeriməkdən utanır,

Hərdən olur bir şad xəbər alıram,

Dodaqlarım sevinməkdən utanır.

Sevinmirəm dostlarımın toyuna,

Lal oluram, dilim üsyan eləyir,

Barmaqlarım bir-birinə yapışmır,

Utandıqca əlim üsyan eləyir.

Heç bilmirəm əllərimi neynəyim,

Utanıram öz balamın üzündən.

Sizə görə, sizə görə, ciblərim,

Adam düşür adamların gözündən.

Elşad Barat

Şərhlər

Seçilmiş Zəngimcell

M.Ə.Rəsulzadə - Yaşa, Azərbaycan!

8007

Bizi telegram-da izləyin

Bizi facebook-da izləyin

Bizi tiktok-da izləyin

Bizi youtube-da izləyin

-AdRiver-

Son xəbərlər

Çox oxunanlar

Son xəbərlər