Ru
12:56 / 27 Noyabr 2021

Kliniki ölüm keçirən Əməkdar artist evə buraxıldı

1352
Avtomobil qəzası nəticəsində Kliniki Tibbi Mərkəzə (KTM) ağır vəziyyətdə gətirilən, əməliyyat zamanı bir neçə dəfə kliniki ölüm keçirən Əməkdar artist Elizbar Osmanov sağalıb.

Bakupost.az xəbər verir ki, bu barədə KTM-in Mətbuat xidməti məlumat yayıb.

Bildirilib ki, oktyabrın 26-da xəstəxanaya gətirilərkən kəllə-beyin travması almaqla yanaşı, ağciyəri, qaraciyəri və digər orqanları da ciddi zədə görmüş əməkdar artist təcili olaraq əməliyyata alınıb:

“E.Osmanovun vəziyyəti ağır olsa da, həkimlər onun həyatını xilas edə biliblər və bu gün o tam sağalaraq, evə buraxılıb”.

Xatırladaq ki, Əməkdar artist Nəsimi rayonu ərazisində Bakı Dövlət Sirkinin yaxınlığında baş verən qəza nəticəsində ağır xəsarətlər almışdı.

Elizbar Osmanova Prezidentin sərəncamı ilə 16 oktyabr 2021-ci ildə “Əməkdar artist” fəxri adı verilib.
Bizi telegram-da izləyin
Bizi facebook-da izləyin
Bizi youtube-da izləyin

Şərhlər
Son xəbərlər
Çox oxunanlar
Son xəbərlər