Pakistanda avtobus dərəyə aşdı - 28 nəfər öldü

Bakupost.az xəbər verir ki, polis rəsmisi Əsgər Əli mətbuata açıqlamasında bildirib ki, Bəlucistan əyalətinin Turbat şəhərindən Kvetta şəhərinə gedən sərnişin avtobusu sürücünün sükanı itirməsi nəticəsində Vaşuk rayonu yaxınlığındakı vadiyə düşüb.

Polis qəza nəticəsində ən azı 28 nəfərin öldüyünü, 20 nəfərin yaralandığını bildirib.

Yaralılardan bəzilərinin həyati təhlükəsinin olduğunu qeyd edib.

Baş nazir Şahbaz Şərif can itkisindən kədərləndiyini və yaralılara lazımi müalicənin göstəriləcəyini deyib.

Qeyd edək ki, mayın 3-də Pakistanın Gilgit Baltistan bölgəsində avtobusun dərəyə çırpılması nəticəsində 20 nəfər ölüb, 30 nəfər yaralanıb.