Ucarda oğul anasını döydü

Bakupost.az oxu.az-a istinadla xəbər verir ki, hadisə rayonun Qaradağlı kəndində baş verib.

Kənd sakini, 1984-cü il təvəllüdlü Rahib Məmmədov (adı və soyadı şərtidir) spirtli içki aludəçisi olduğundan, həyat yoldaşı Bahar və 3 azyaşlı qızı ondan ayrılıb, Ucar şəhəri ərazisində kirayə qalmağa başlayıb. Rahib dəfələrlə onların arxasınca getsə də, qadın geri qayıtmayıb. Nəticədə Rahib evdə tək yaşamağa başlayıb.

Rahibin anası Məlahət isə onunla qonşuluqda tənha yaşayırmış.

Bir müddət əvvəl Rahib yenidən spirtli içki qəbul edib evə gəlib. O, həyətə daxil olarkən, beli həyətdə görməyib və nənəsinin yanına gələn qızını çağırıb, belin yerini soruşub. Qızı bildirib ki, beli nənəsi götürüb və həyətində tərəvəz şitilləri əkib. Ruhin qışqıraraq qızına deyib ki, Məlahətə de, əkdiyi tərəvəzləri dağıtsın. Qadın bunu eşidib onların yanına gəlib Rahibi sakitləşdirmək istəsə də, alınmayıb. Qadın evinə qayıdıb. Bu vaxt Rahib hasardan anasının həyətinə keçərək, onu saçından tutub sürüyüb, yerə yıxaraq yumruq və təpik zərbələri ilə ona xəsarətlər yetirib.

Hadisə yerinə polis əməkdaşları gəliblər və faktla bağlı cinayət işi başlanıb.

Ucar Rayon Məhkəməsinin hökmü ilə R.Məmmədov 10 ay müddətə azadlığın məhdudlaşdırılması cəzasına məhkum edilib.