Zelenski Ukraynanın NATO-ya üzvlüyünün sürətləndirilməsi ilə bağlı ərizəni imzaladı - YENİLƏNİB

Bakupost.az UNIAN-a istinadən xəbər verir ki, bu barədə Ukrayna Prezidenti Təhlükəsizlik Şurasının təcili iclasından sonra videomüraciətində bildirib.

Onun sözlərinə görə, Ukrayna faktiki olaraq NATO-nun bir hissəsidir: “Bu gün Ukrayna bunu deyure etmək üçün müraciət edir. Biz Ukraynanın Alyansa sürətləndirilmiş qaydafa üzvlüyü ilə bağlı ərizəsini imzalamaqla qətiyyətli addımımızı atırıq”.

Ukrayna lideri deyib ki, Ukrayna defakto NATO-da öz yolunu keçib: “Biz artıq defakto Alyansın standartlarına uyğunluğumuzu sübut etmişik. Biz bir-birimizə güvənirik, bir-birimizə kömək edirik və bir-birimizi qoruyuruq”.

Bakupost.az Ukrayna mətbuatına istinadən xəbər verir ki, Rusiya Prezidenti Vladimir Putinin Donbass, Xerson və Zaporojyenin Rusiyaya birləşdirilməsi ilə bağlı sazişləri imzalamasından sonra Zelenski bu addımı atıb.

Detallar isə hələlik açıqlanmayıb.