Bu ölkədə məktəblilərə pulsuz yemək veriləcək - Gündə iki dəfə

Bakupost.az TASS-a istinadla xəbər verir ki, qanun layihəsini Dövlət Dumasının nəzarət komitəsinin birinci sədr müavini Dmitri Qusev təqdim edib.

Deputatın sözlərinə görə, hazırda Rusiyada 18 milyondan çox məktəbli təhsil alır və onların bir çoxu xroniki xəstəliklərdən əziyyət çəkir:

“Bunun səbəblərindən biri də müntəzəm üçdəfəlik qidalanmanın olmamasıdır. Bizim qanun layihəmiz valideynlərə sabaha inam verir. Bu təşəbbüsün federal səviyyədə həyata keçirilməsi ölkə üzrə uşaqların sağlamlığının qorunmasına mühüm töhfə olacaq”, – deyə D.Qusev bildirib.

Hazırkı qaydalara görə, pulsuz isti yemək yalnız ibtidai siniflərdə oxuyan uşaqlara (1-4-cü siniflər), həmçinin imtiyazlı kateqoriyalara aid şagirdlərə – çoxuşaqlı ailələrdən olanlara, sağlamlıq imkanları məhdud uşaqlara və yetimlərə verilir. Digər hallarda şagirdlər yeməyi öz hesabına alırlar.