Türkiyə Prezidenti Rəcəb Tayyib Ərdoğanla ABŞ Prezidenti Donald Tramp arasında telefon danışığı baş tutub.
"Bakupost" xəbər verir ki, tərəflər ikitərəfli münasibətləri, eləcə də regional və beynəlxalq gündəmdəki məsələləri müzakirə ediblər.
Ərdoğan Türkiyə ilə ABŞ arasında bütün sahələrdə əməkdaşlığın gücləndirilməsinin davam etdirilməsində maraqlı olduğunu bildirib.
O, Türkiyənin Məkkə Müdafiə Alyansı çərçivəsində Hörmüz boğazı və Yəməndəki vəziyyətin inkişafını diqqətlə izlədiyini, problemlərin diplomatik yolla həllinin tərəfdarı olduğunu qeyd edib.
Türkiyə lideri həmçinin müharibənin dayandırılması məqsədilə Rusiya ilə Ukrayna arasında diplomatik prosesin bərpasına yönəlmiş səyləri dəstəkləməyə Ankaranın hazır olduğunu vurğulayıb.
Donald Tramp isə Ərdoğanı və Türkiyə xalqını Respublika Günü münasibətilə təbrik edib. O, oktyabrın 29-da Ankarada keçiriləcək Türk Dövlətləri Təşkilatının (TDT) sammitinə də uğurlar arzulayıb.
MEDİA 
