"Ermənistan üzərindən 5-10 milyon dollar qazana bilərik" - İqtisadçı

Bakupost.az xəbər verir ki, iqtisadçı-ekspert Xalid Kərimli Sfera.az-a açıqlamasında bunun üçün əvvəlcə Ermənistanın nə qədər benzin aldığına və mövcud müqavilələrin kimlərlə bağlandığına baxmaq lazım olduğunu bildirib:

“Çünki bu sahədə konkret müqavilələr mövcuddur. Ola bilər ki, ölkə böyük həcmdə yanacaq alsın, amma müqavilə şərtlərinə əsasən müəyyən şirkətlərdən minimum miqdarda məhsul almaq öhdəliyi daşısın. Ermənistanın benzinə olan real tələbatı nə qədərdir, “premium” tələbat hansı səviyyədədir və hansı şirkətlərlə hansı həcmdə müqavilələr bağlanıb deyə araşdırmalar aparılmalıdır. Yanacaq təminatı ilə bağlı məsələlər sürətli və ani şəkildə həll olunan mövzular deyil. Bu, strateji sahədir və ölkələr benzin, neft, qaz, elektrik kimi enerji resursları üzrə uzunmüddətli müqavilələr bağlayırlar ki, sonradan problem yaranmasın”.

"Hazırda səsləndirilən təxminən 1 milyon dollara yaxın rəqəm olduqca azdır. Real potensiala baxdıqda bu məbləği ən azı 5-10 milyon dollara qədər yüksəltmək mümkündür. İndiki göstəricilərlə müqayisədə ən azı 10-20 dəfə daha yüksək rəqəmlərdən danışmaq mümkündür. Bu isə yalnız ümumi qiymətləndirmədir və konkret qərarlar üçün ciddi analiz tələb olunur”.