Ermənistanın cənubu şimalı ilə Naxçıvan vasitəsilə...

Bakupost.az xəbər verir ki, bu sözləri Ermənistan xarici işlər nazirinin müavini Vaan Kostanyan Dünya Siyasət Konfransında "AB strateji tərəfdaş kimi: Şərqi Avropa, Cənubi Qafqaz və Mərkəzi Asiya üçün perspektivlər" adlı panel müzakirəsi zamanı bildirib.

O deyib ki, TRİPP sadəcə Azərbaycanın əsas hissəsi ilə Naxçıvan arasında əlaqə deyil; bu, Mərkəzi Asiyanı Avropa ilə birləşdirmək, eləcə də qarşılıqlı fayda təmin etmək öhdəliyini yerinə yetirmək üçün daha böyük və daha strateji bir layihədir.

“Bu layihənin həyata keçirilməsində çox maraqlıyıq. Ermənistanda Ermənistan-Amerika birgə müəssisəsinin necə yaradılacağı ilə bağlı amerikalı tərəfdaşlarla aktiv danışıqlar aparılır. Biz artıq təkcə texniki-iqtisadi əsaslandırma hazırlamağa deyil, həm də regionun özündə kommunikasiyaların qurulmasına başlamışıq, çünki, məsələn, 8 avqustdan (Ağ Evdəki görüşdən - red.) sonra Qazaxıstandan Azərbaycan və Gürcüstan dəmir yolları vasitəsilə taxıl idxal etmək presedentimiz var. Bu, regional əməkdaşlığın necə işləyə biləcəyinin və regionda əlavə qarşılıqlı asılılıqların yaradılmasının orada sabitliyin və sülhün bərqərar olmasına necə əhəmiyyətli töhfə verə biləcəyinin bariz nümunəsidir”, - o vurğulayıb.