İsraildəki uşaq bağçasında faciə – 2 körpə həlak oldu, 53-dən çox zəhərlənən var

Bu gün (yanvarın 19-da) İsrailin paytaxtı Yerusəlimdə Romema məhəlləsindəki bir uşaq bağçasında faciə baş verib.

Bakupost.az “MIGnews” saytına istinadən xəbər verir ki, hadisə nəticəsində 2 körpənin öldüyü, 53-dən çox uşağın isə yaralandığı bildirilib. Ölkədə ciddi sarsıntı yaradan hadisəyə bağçada şübhəli kimyəvi maddə zəhərlənməsi səbəb olub.

İlk məlumatlara görə, bağçada təxminən 55 uşaq müxtəlif dərəcəli xəsarət alıb, iki dörd aylıq körpə kritik vəziyyətdə xəstəxanaya çatdırılıb. Həkimlərin səylərinə baxmayaraq körpələrin həyatını xilas etmək mümkün olmayıb.

Hadisənin səbəbi hələ də araşdırılır; ilkin ehtimallara görə, bağçada qızdırıcı cihazdan və ya başqa bir mənbədən kimyəvi maddə yayıldığı güman edilir. Təcili yardım və xəstəxanaya aparılmış uşaqlar arasında bir çoxu tənəffüs problemləri və digər zəhərlənmə simptomları aşkarlayıb.

İsrail Fövqəladə Hallar Xidməti “Magen David Adom” tərəfindən verilən xəbərə görə, uşaq və körpələr dərhal xəstəxanalara yönəldilib.

Yerli polis və Fövqəladə Xilasetmə xidmətləri hadisə yerində araşdırma aparır. Məsələ ilə bağlı bağçanın lisenziyası və təhlükəsizlik standartlarının pozulması ilə bağlı mümkün nöqsanlar da istintaqa daxil edilib. Yerusəlim Milli Uşaq Xeyriyyə Şurası hadisəni “dərin kədərlə qarşıladıqlarını” bildirib və təqsirkarların məsuliyyətə cəlb olunmasını tələb edib.

Cavid, BakuPost