Bakı Metropolitenində balta ilə gəzən şəxsin görüntüləri yayılıb.
Bakupost.az xəbər verir ki, öz videosunu çəkərək sosial şəbəkələrdə paylaşan şəxs vətəndaşları hədələyib:
“And olsun bizi yaradana. Bakı şəhərində qaşın-gözün... Nə bilim özünü qadın kimi aparanlardan görsəm, Bakı şəhərində bu balta ilə... Bax metrodayam, həmin o qaşın-gözün alanın başını kəsməsəm, adam deyiləm”.
“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov Bakupost.az -a açıqlamasında məsələnin araşdırılacağını bildirib:
“Araşdırılmadan ictimaiyyətə məlumat verə bilmərik”.
Daxili İşlər Nazirliyinin (DİN) Mətbuat Xidmətinin rəisi Ehsan Zahidov da araşdırmaların aparıldığını qeyd edib.
Həmin videonu təqdim edirik: