Mirşahin Prezident ailəsini şantaj edən şəxsdən müsahibə aldı – VİDEO

Bu gün isə Real TV-nin rəhbəri, tanınmış jurnalist Mirşahin Ağayev həbs olunan həmin şəxslə müsahibə təqdim edib.

Mirşahin Ağayev bununla bağlı paylaşımında yazır:

“Azərbaycan vətəndaşı qlobal intervensiya şəraitində təkcə torpaqlarını qorumamalıdır. Müdafiə olunası dəyərlərimiz o qədərdir ki, onları qorumaq getdikcə çətinləşir. Amma nəyin bahasına olursa olsun, qorumalıyıq. Özü də klassik həqiqət anlayışının dünyada aşınmaya məruz qaldığı bir dövrdə.

Süni intellekt, böhtan, internet resurslarının verdiyi hədsiz imkanlar, şayiələrin fantastik sürətlə yayılması – bütün bunlar yeni informasiya xəritəsi yaradır. Bu xəritədə feyk ünvanlar real ünvan axtaranları çaşdırır. Yalan ayaq tutur, yeriyir. Amma nə yaxşı ki, yaxalanır – Prezident İlham Əliyevin ailəsini şantaj edən şəxsdə olduğu kimi.

Biz sizə şantajçını göstərəcəyik, onun fəaliyyət coğrafiyasını təqdim edəcəyik. Üzümü artıq saxlanılmış şəxsin dostlarına da tuturam: narahat olmayın, Bakıda saxlanılmayıb. Ya da əksinə – narahat olun, Bakıda saxlanılmayıb.

Hamını ekran qarşısına dəvət edirəm. Baxaq, Prezidentin ailəsini şantaj edənləri, bu əməldə ona kömək edənləri tanıyaq. Başa düşürəm, hamımız Novruz ovqatındayıq, yallı ətrafındayıq. Amma yallı yox, “yal” ətrafında olanlar da var. Tanıyaq, ehtiyatlı olaq, səfərbər olaq. Bir vətəndaş kimi dövlətin ləyaqətini qoruyaq.

Beləliklə, “Milli Namus məsələsi” sənədli filmi. Vaxtdır. Hörmətli tamaşaçılar, siz bu filmə mütləq baxmalısınız!”

Bakupost.az həmin müsahibənin də yer aldığı filmi təqdim edir: