Əməkdar incəsənət xadimi, bəstəkar Cavanşir Quliyevin Xalq şairi Sabir Rüstəmxanlının librettosu əsasında yazdığı “Müşfiq ağıları” oratoriyasının təqdimat mərasimi keçiriləcək.
Bakupost.az xəbər verir ki, tədbir oktyabrın 14-də saat 19.00-da Azərbaycan Dövlət Flarmoniyasında baş tutacaq.
Əsər Azərbaycan poeziyasının görkəmli nümayəndəsi, şair, tərcüməçi, pedaqoq, Stalin repressiyalarının qurbanı olan və 1938-ci ildə güllələnmiş Mikayıl Müşfiqin acı taleyinə həsr edilib. “Müşfiq ağıları” 13 hissədən (proloq, 6 ağı, 5 qaragüruh və epiloq) ibarətdir.
Oratoriyanı dirijor Mustafa Mehmandarov və bədii rəhbər Gülbacı İmanovanın rəhbərliyi ilə Ü.Hacıbəyli adına Azərbaycan Dövlət Simfonik Orkestri və Azərbaycan Dövlət Xor Kapellası təqdim edəcək.