Neft qiymətləri cümə günü yüksəlib. “Brent” markalı neftin qiyməti 1% artaraq 108,68 dollara, “WTI” isə 103,45 dollara çatıb.
“Bakupost” xəbər verir ki, Yaxın Şərqdə dəniz daşımalarına qarşı hücumların artması neft tədarükündə uzunmüddətli fasilə yaranacağı ilə bağlı narahatlıqları gücləndirib.
Beləliklə, hər iki əsas neft göstəricisinin həftəni 100 dollardan yuxarı tamamlaması gözlənilir. Bu, mayın ortasından bəri ilk belə həftəlik bağlanış olacaq.
Analitiklər qiymət artımının davam edib-etməyəcəyinin əsasən Çinin neft alışlarını davam etdirib-etdirməyindən asılı olacağını bildirirlər.
Vüsalə Hüseynova,
BakuPost
MEDİA 
